Törkiyä Albaniyada 522 yort sala

Törkiyä ilbaşı Räcäp Tayyip Ärdoğan Albaniyädäge cir teträwdä öylären yuğaltuçılarğa tizdän yaña toraqlar tapşırılaçağın belderde. Ul Törkiyäneñ äylänä – tirä möxit häm şähärçelek ministrlığınıñ toraq tözeleşe idaräse TOKİ tarafınnan älege ildä 522 yortnıñ nigezen salu tantanasında onlayn qatnaştı.  Ärdoğan älege proyektnıñ ike däwlät arasındağı duslıqqa öleş kertäçägen assızıqladı.

“Bu yortlar Törkiyä-Albaniya duslığınıñ yaña bilgese bulaçaq. Tiz arada toraqlarnıñ berençe êtabın tögälläp, cir teträwdä öylären yuğaltqan qardäşlärebezgä tapşıra başlayaçaqbız,”-dide ul.   

Törkiyä äylänä – tirä möxit häm şähärçelek ministrı Murat Kurum da tantanada çığış yasadı. Ul toraqlarnıñ 8 aydan äzer bulaçağın äytte.

Albaniya başqalası Tiranağa 30 çaqrım yıraqlıqtağı Diraç şähärendä 2019nçı yılnıñ 26nçı noyabrendä 6,3 ball zurlığında cir teträw bulğan ide. Anda 51 keşeneñ ğomere özelde.