Ärdoğan Xanuka belän qotladı
Ul Törkiyädä yäşäwçe yähüdlärgä bäyräm yullaması yasadı
![Ärdoğan Xanuka belän qotladı](http://cdn.trt.net.tr/images/xlarge/rectangle/1569/d15d/672f/5f9928ff0a195.jpg?time=1718516304)
Törkiyä ilbaşı Räcäp Tayyip Ärdoğan yähüdlärneñ Yaña yılı – Xanuka bäyräme uñayınnan qotlawnamä çığardı. Ul dine, tele, êtnik tamırlarına qaramastan, bu ildä yäşäwçe härkemneñ, bernindi ayırıp qarawğa duçar bulmıyça, üz ışanu häm ğadätlären irekle räweştä başqarıp yäşäwlärenä zur ähämiyätbirülären assızıqladı. Ärdoğan bu fikerläw belän soñğı 18 yılda barlıq watandaşlarnıñ irek mäydannarın kiñäytüçe, bigräk tä, din, ğıybadät häm vöcdan xörlegen garantiyäläwçe adımnar yasawların belderde.
“İlebezdä ber keşene dä dine, kiyenü räweşe yäisä dön’yağa qaraşı arqasında çitkä qaqmawçı atmosfera urnaştırdıq. Monı köçäytergä uylıybız. Antisemitizm, islamofobiya häm ksenofobiya çuma şikelle taralğan bu çorda Törkiyä kiñ tolerantlığı häm üzençäleklärne baylıq bularaq kürüçe tradiśiyäse belän böten dön’yağa ürnäk bulaçaq,”-dide Räcäp Tayyip Ärdoğan qotlawında.