Törkiyäneñ İslam xezmättäşlek oyışması belderüe

Tışqı êşlär ministrlığı Niger başqalası Niameydä oyıştırılğan cıyılışta qabul itelgän qararlar belän bäyle belderü bastırdı.

Belderüdä: "Tışqı êşlär ministrı Mäwlüt Çavuşoğlu qatnaşuında 27nçe-28nçe noyabr’ könnärendä Niameydä oyıştırılğan İslam xezmättäşlek oyışmasınıñ 47nçe tışqı êşlär ministrları şurası cıyılışında qabul itelgän qararlar İslam dönyasın qızıqsındırğan urtaq mäs’älälär aldında İslam xezmättäşlek oyışması äğ’zase illär arasında berlek-berdämlekneñ raslanuı cähätennän ähämiyätkä iyä”, - dip äytelde.

Çadnıñ êlekke tışqı êşlär ministrı Hissein Brahim Tahanıñ Afrika törkemeneñ urtaq namzäte bularaq oyışmanıñ ğomum särkätibe itep saylanuınnan xis itelgän qanäğätlelek citkerelgän belderüdä: "İlebez iñ baştan birle oyışmanıñ xalıqara üzençälegeneñ saqlanıp qaluı häm köçäytelüe cähätennän İslam xezmättäşlek oyışmasınıñ yaña ğomum särkätibeneñ oyışmanıñ şartnamäse häm urnaşqan ısullar nigezendä Afrika törkemennän saylanuına häm Afrikanıñ urtaq kandidat täq’dim itüenä ähämiyät häm östenlek birgän, bu mäs’älägä xörmätle İlbaşıbız Räcäp Tayyip Ärdoğan häm xörmätle ministrıbız tarafınnan törle oçraqlarda basım yasalıp uzılğan ide”, - dip assızıqlandı.

Belderüdä ayıruça xäzerge ğomum särkätip Yusuf Äl-Usäymingä xezmätläre öçen räxmät belderelde häm yaña ğomum särkätip Tahağa wazıyfasında uñış teläkläre citkerelde.