Berençe Törkiyä vakśinası qullanuğa äzer
Ölkännär öçen tetan-difteriya vakśinasınıñ berençe partiyäse sälamätlek saqlaw ministrlığına kilep ireşte
Xalıqara standartlar nigezendä yasalğan täwge cirle vakśina qullanuğa äzer. Ölkännär öçen titan-difteriya vakśinasınıñ barlıq citeşterü prośessı tulısınça cirle mömkinleklär belän başqarıldı.
Sälamätlek saqlaw ministrı Fäxretdin Koca beldergänçä, lokalizaśiyä häm milliläşü säyäsäte nigezendä 2015nçe yıldan birle alıp barıluçı êşçänlekneñ berençe näticäläre kürende. Ministr täwge vakśinanıñ qullanu öçen äzer buluın äytte.
“Änkaranıñ Akyurt rayonında 2015nçe yılda başlanğan proyekt qısalarında “Törek daruı” şirkäte berençe tutırunı 2017nçe yılda yasadı. Yaxşı citeşterü sertifikatı bulğan ob’yektlarda barlıq prośesslar, şul isäptän, antigen citeşterü cirle mömkinleklär belän başqarıldı. Kiräkle sıyfat kontrole uzğan häm raslanğan ölkännär öçen tetan-difteriya vakśinasınıñ berençe partiyäse ministrlıqqa kilde. Şulay itep, cirle vakśina yasaw mäs’äläse kön üzägendä bulğan çorda bu tarmaqta ähämiyätle uñışqa ireşelde,”-dip söyläde Törkiyä sälamätlek saqlaw ministrı Fäxretdin Koca.
