Ärdoğan belän Putin söyläşte

Törkiyä ilbaşı Räcäp Tayyip Ärdoğan Rusiya däwlät başlığı Vladimir Putin belän telefonnan söyläşte.

İlbaşı cämäğat’çelek belän êlemtä idaräsennän yasalğan belderügä qarağanda, anda ike il arasındağı mönäsäbätlärne köçäytü öçen kiräkle adımnar turında fiker alıştılar. Şulay uq, Azärbaycan belän Ärmänstan mäs’äläse, Süriyä häm Liviyädäge wäzğıyät’ telgä alındı.

İlbaşı Ärdoğan söyläşüdä Azärbaycan cirlärenä höcüm itep yaña krizis kiterep çığarğan Ärmänstannıñ yaqınça 30 yıl däwam itüçe okkupaśiyäsen daimi xälgä kiterergä mataşuın belderde. Ul Törkiyäneñ kiräk bulsa Minsk törkeme êçendäge statusı, kiräksä ikeyaqlı mönäsäbätlär qısalarında bu mäs’äläneñ axırğı çişeleşkä kilüe yaqlı buluın citkerde.  

Ärdoğan Süriyä krizisınıñ säyäsi çişeleşe prośessında kilengän üseşneñ saqlanuı kiräklegen dä assızıqladı.