"Makronnıñ açıqlawları üz çarasızlığın kürsätte"

Törkiyä tışqı êşlär ministrlığı Franŝiya däwlät başlığı Êmmanuêl’ Makronnıñ açıqlawlarına reakŝiya belderde.

Ministrlıktan tübändäge açıqlaw yasaldı: “Franŝiya ilbaşı Makron yänä êlekke kolonizator refleksları belän täkäbber açıqlaw yasadı. Çınında Makronnıñ açıqlawları üz çarasızlığın kürsätte. Çönki bar dön’ya belän irekle räweştä citäkläw könnäre artta qaldı. Tışqı säyäsättäge barlıq astırtın plannarı, kerle uyınnarı yuqqa çığarılğan Makron Törkiyä häm Xörmätle ilbaşıbız Räcäp Tayyip Ärdoğanğa höcüm itä. Xörmätle ilbaşıbız - Awrupada iñ küp tawış cıyıp saylanğan lider. Ul köçen härwaqıt xalqınnan aldı. Törek milläte häm xökümäte mondıy yuq-barlarğa qarşı härwaqıt berdäm tordı, toraçaq ta.

Franŝiya ber yaqlı häm qotırtuçı adımnar yasağançı, Awrupa Berlegen üz tar qaraşlı mänfäğat’läre öçen totıq itep alğançı, Greŝiya häm Kipr Grek citäkçelegen yaqlağançı, kileşü häm dialog yaqlı totış kürsätsen.

Makron totışı belän kiyerenkelekne täşwik itep, Awrupa häm Awrupa Berlege mänfäğat’lären dä risk astına quya. Könçığış Urta diñgezdä çige dä bulmağan häm töbäktä haman da kolonializm añlayışı belän êş başqaruçı Franŝiyaneñ  Törkiyäneñ töbäktäge partnyerlığın, êçkersezlegen, xezmättäşlegen häm humanitar, kereşüçe tışqı säyäsäten tänqıyt’läwe totrıqsız. Xalıq ışanıçın yuğalta baruçı Makronnıñ yazmışın Franŝiya xalqı bilgelär.”