Törkiyä Böyek Millät Mäclese başlığı Putin belän oçraştı

Törkiyä Böyek Millät Mäclese başlığı Numan Kurtulmuşnı Mäskäwgä säfäre qısalarında Rusiya Federaśiyäse däwlät başlığı Vladimir Putin qabul itte.

Kurtulmuş oçraşuda Mäskäwdä öç kön däwam itkän programmanıñ bik tığız häm näticäle uzuın belderde.

“Ayıruça Yaqın Könçığıştağı zur problema, İzrailneñ höcümnäre, İzrailneñ Fälästin xalqına ğına tügel, ä böten töbäk xalqına qarşı başlatqan suğışta Rusiya belän Törkiyäneñ oxşaş qaraşta buluın tağın ber qat rasladıq. Bez şulay uq ike cämğıyät’neñ tradiśion häm ğailä qıymmätlärenä qaraşlarınıñ oxşaş buluın kürdek. Min bügenge çığışımda da äyttem. Bez berqayçan da ber yaqlı êmbargolarnı xuplamadıq. Bu êmbargolarnıñ quyğan keşelärneñ niyätlärenä xezmät itmäwen häm böten xalıqnı cäzalaw ikänlegen tağın ber tapqır rasladıq”,- dide Numan Kurtulmuş.

Vladimir Putin isä oçraşu başındağ çığışında “Törkiyä belän Rusiya arasındağı mönäsäbätlärneñ iq’tisadi häm sośial’ ölkälärdä, tışqı êşlär ministrlığı däräcäsendä, barlıq ölkälärdä diyärlek bik uñışlı üsüen äytäse kilä. Ğomumän alğanda bez yaxşı kürşelär häm bez üz xalıqlarıbız, illärebez faydasına êşlibez, bezneñ öçen barısı da yaxşı bara” dip äytte.

Törkiyä Böyek Millät Mäclese başlığı Numan Kurtulmuş Rusiya parlamentınıñ tübän palatası Däwlät Duması räise Vyaçeslav Volodin belän dä oçraştı.