Törkiyä belän Greśiyä arasında söyläşülär başlandı

NATO ğomum särqatibe Yens Stoltenberg Törkiyä belän Greśiyä arasında Könçığış Urta diñgezdä bäreleş buldırmaw mexanizmnarı mäs’äläsendä ittifaqta texnik söyläşülär başlanuın belderde. Älegä bernindi kileşügä barmağannar.

Stoltenberg NATO Tön’yaq Atlantik şurasınıñ daimi wäkilläre däräcäsendäge cıyılıştan soñ matbuğatqa belderülär yasadı. Ul Afina idaräseneñ NATOnıñ ike il arasında kileşü tözelüe turındağı belderüen yalğanğa çığaruın xäterlätte.

“Törkiyä häm Greśiyä liderları belän söyläşüemnän soñ xätta ike berlektäş il monda NATOda texnik söyläşülär öçen bergä cıyıldı da inde. Bu oçraşunıñ maqsatı xärbi bäreleşne buldırmawçı mexanizmnar tabu. Könçığış Urta diñgezdä qaza qurqınıçın kimetü öçen älegä bernindi kileşü bulmadı. Bolar Törkiyä belän Greśiyä arasındağı añlaşa almaw belän bäyle söyläşülär tügel, texnik söyläşülär. Bolar Germaniyä citäkçelegendäge säyäsi aradaşçılıq tırışlıqların tögälläwçe êşçänleklär,”-dide NATO başlığı.

Stoltenberg NATOnıñ mäs’älälärgä çişeleş tabuda ähämiyätle platforma buluın belderde.

“Könçığış Urta dingezdä bik küp sanda korab buluın küzdä totıp, bäreleşne totqarlawçı mexanizmnarnı üsterü mäs’äläsendä texnik söyläşülärne başlaw kiräk ide,”-dide ul.