Urta diñgezdäge kiyerenkelek

Törkiyä tışqı êşlär ministrı Mäwlet Çavuşoğlu Urta diñgezdäge kiyerenkelekne Greśiyä häm Kiprnıñ grek öleşe artttıruın belderde.Ul räsmi säfär belän Änkarağa kilgän Germaniyädäge wazıyfadaşı Xeyko Maas belän urtaq matbuğat cıyılışı oyıştırdı.

Çavuşoğlu mondağı çığışında: “Greśiyä, bu üzsüzlegeñne tuqtat. Qayber illärneñ qotırtuına qarap, üzegezne qurqınıç astına quymağız,”-dide.  Ul Greśiyä belän Törkiyäneñ kürşe buluın xäterlätte. “Bez üzara ğadel büleşüne beläbez,”-dide ministr.

Gremaniyä tışqı êşlär ministrı Xeyko Maas isä: “Urta diñgezneñ könçığışında xälneñ kiyerenkeläşüe Awrupa Berlegeneñ dä, Greśiyäneñ dä, Törkiyäneñ dä faydasına tügel,”-dip söyläde. Ul oçraşularda älege wäzğıyät’ xaqında fiker alışuların äytte. “Bu barı Awrupa Berlegen tügel, NATOnı da qızıqsındıra. Xäl bik kisken,”-dide Maas.

Germaniyä ministrı kiyerenke wäzğıyät’neñ dialog yulı belän çişeläçägen, moña äzerlek baruın citkerde.