Törkiyä qotqaruçıları iñ awır urında êşli

Livan başqalası Beyrutta 4nçe avgustta bulğan şartlawdan soñ Törkiyädän kitkän qotqaru törkeme porttağı êşçänlegen däwam itä. Alar waqıyğa urınına iñ yaqın noqtada urnaşqan. Bu xaqta Livan armiyäse operaśiyälär ştabı komandirı Can Nehra belderde. Qotqaru törkemnäre äle haman yuğaluçılarnı êzli.

Portnıñ kön’yaq öleşendä boday bunkerları şartlaw täêsirendä nıq cimerelgän. Ämma alar monıñ belän ähämiyätle funkśiyä başqarğan “Ägär ul urında bunkerlar bulmasa, şartlawnıñ Beyrutqa zararı tağın da zur häm qurqınıç bulır ide,”-dide Nahra. Boday bunkerları şartlaw täêsiren öleşçä “sündergän”.

İsegezgä töşeräbez, Beyrut portında 4nçe avgustta şartlawçı matdälär saqlanuçı urında yanğın çıqtı häm böten şähärne teträtkän köçle şartlaw buldı.  Anda ğomere özelüçelärneñ sanı 158gä citte, yaralanuçılar 6 meñ.