"Törkiyä Livanğa açıq çek birde"

Törkiyä ilbaşı kiñäşçese Fuat Oktay häm tışqı êşlär ministrı Mäwlet Çavuşoğlu Livan başqalası Beyrutqa kitte.

Oktay biredä Livan däwlät başlığı Mişel’ Gaun belän oçraşqannan soñ belderü yasadı. “İlbaşına tağın da kübräk azıq-tölek, mediśina yärdämenä xäzer buluıbıznı, monı däwam itäçägebezne citkerdek,”-dide kiñäşçe. Ul Törkiyäneñ barlıq xastaxanäläre häm aşığıç yärdäm oçqıçlarınıñ xezmätkä äzer buluın da östäde.  “Beyrut portı qabat ayaqqa basqançı Märsin portıbız Livannıñ qullanılışında buluın äyttek,”-dide Oktay.  Monnan tış, Törkiyä wäkilläre Beyrutta şartlaw waqıtında cimerelgän binalarnı tözekländerü mäs’äläsendä dä yärdämgä äzer ikänleklären citkergän.

Fuat Oktay häm tışqı êşlär ministrı Mäwlet Çavuşoğlu soñınnan Beyrutta şartlaw bulğan portqa barıp, kilgän zararnı urınında centekläp tikşerde. Şunnan soñ Törkiyä ilbaşı kiñäşçese belderüendä bolay dide: “Kürdek ki Livanda Törkiyäneñ, törek xalqınıñ ayırım urını bar, küñeldän küñelgä duslığıbıznıñ buluın kürdek. Livanlı qardäşlärebezgä Törkiyä isemennän här närsäbezneñ monda buluı belän bäyle açıq çek birdek”.

Oktay citdi räweştä pıyala häm tözeleş materiallarına ixtiyac buluın, alarnı cibäräçäklären äytte. “Bu mäydan xärabä  xälennän çığarılıp êlekkege xälenä qaytarılğanğa qadär Törkiyä monda bulaçaq,”-dip söyläde kiñäşçe.