Ärdoğan şähit ğailälären qabul itte
15nçe iyül' şähitläreneñ yaqınnarın ilbaşı rezidenśiyäsendä qunaq ittelär
Törkiyä ilbaşı Räcäp Tayyip Ärdoğan 15nçe iyül’ Demokratiyä häm Milli berdämlek köne uñayınnan üz rezidenśiyäsendä şähit ğailälären qabul itte. Ul çarada çığış yasap bolay dide: “Ul tönne (15nçe iyül’) millätebez 83 million ber can, ber tän bulıp tarixqa altın xäreflär belän yazılaçaq, berqayçan da onıtılmayaçaq, gel iskä töşerep söylänäçäk ciñügä ireşte”.
Êrdoğan FETO belän köräşneñ äle däwam itüenä iğ’tibarnı cälep itte. “Bügengä qadär 100dän artıq qaçqın FETOçı terrorçını çit illärdä yäşerengän cirlärennän taptıq häm mäxkämägä tapşırdıq. Oyışmanıñ 18 ildäge 214 mäktäben Törkiyä mäğarif waqıfına birdek, 36 däwlättä bu fetnäçeneñ oyalarınıñ yabıluına ireştek. Sonğı FETOçı qanun qarşında cawap birgängä qadär il êçendä häm tışında köräşne nıqlıq belän däwam itäçäkbez,”-dip söyläde Törkiyä ilbaşı.
