Törkiyä ministrı: “Virusnıñ cäyelü tizlege azaymıy”

Kizü başlanğannan birle tuplam ülüçelärneñ sanı 5 meñ 150 buldı.

Soñğı ber täwlektä 52 meñ 313 test yasalıp, ber meñ 192 yaña diagnoz quyıldı.

Soñğı ber köndä xastaxanädän çıqqan 2 meñ 311 keşe belän sawığuçılarnıñ sanı isä 175 meñ 422gä citte.

Şul arada Sälamätlek saqlaw ministrı Fahrettin Koca xastalıqnıñ kön tärtibennän töşep qaluınıñ xäzerge şartlarda mömkin bulıp kürenmäwen äytte.

Belem Şurası belän cıyılışınnan soñ yasağan açıqlawında ministr Koca virusnıñ cäyelü tizlegeneñ azayuı töşençäseneñ yalğıştıruçı, virusnıñ xasta itü köçeneñ zäğifläwe turındağı töşençäneñ isä fänni tayanıçtan mäxrüm buluın belderde.

Koca "Kovid-19 kizüenä qarşı añ-belemle xäräkät itüçe, qağidälärne ütäwçe härkem bügenge kön şartlarında keşe ğomeren qotqaruçı qaharmannardan berseder”, - dip äytte.