“Törkiyӓ sӓlamӓtlek saqlaw ölkӓsendӓ dӓ Awrupa Berlegenӓ zur köç östӓyӓçӓk”
Sӓlamӓtlek saqlaw ministrı Fahrettin Koca bu xaqta Awrupa Berlege ӓğ’zası illärneň tulı wӓqalӓtle ilçelӓre belӓn ütkӓrgän cıyılışta citkerde
![“Törkiyӓ sӓlamӓtlek saqlaw ölkӓsendӓ dӓ Awrupa Berlegenӓ zur köç östӓyӓçӓk”](http://cdn.trt.net.tr/images/xlarge/rectangle/0251/1abe/30e7/5edb8bf205c69.jpg?time=1718832606)
Törkiyӓ sӓlamӓtlek saqlaw ministrı Fahrettin Koca Awrupa Berlege ӓğ’zası bulğan 26 ilneň tulı wӓqalӓtle ilçelӓre belӓn cıyılış ütkӓrde hӓm Törkiyӓneň Kovid -19 belӓn körӓşen aňlattı.
Ul Awrupa Berlegenӓ tulı ӓğ’zalıqnıň Törkiyӓneň strategik maqsatı buluın xӓterlӓtep, “Êpidemiya barışı şunı kürsӓtte: Törkiyӓ barı tik sӓyӓsӓt hӓm hӓm iq’tisad tarmaqlarında ğına tügel, sӓlamӓtlek saqlaw ölkӓsendӓ dӓ Awrupa Berlegenӓ zur köç östӓyӓçӓk”,-dide.
Ministr êpidemiyӓneň berençe könnӓrennӓn başlap kürelgӓn saqlıq çaraları, diagnostika hӓm dӓwalaw praktikasına yomğaq yasap, irtӓ dӓwalaw protokolları yӓrdӓmendӓ staśionarlardağı pnevmoniya üseş tempların 60%qan 3%qa töşerülӓren, şulay itep, reanimaśiyӓdӓ yatuçılarda ülem dӓrӓcӓseneň 58%qan 7%qa qadӓr töşüen belderde.
Törkiyӓ sӓlamӓtlelk saqlaw ministrı diagnostika komplektları hӓm şӓxsi saqlağıç caylanmalar berençe çiratta bulu belӓn bergӓ 102 ilgӓ hӓm qayber xalıqara oyışmalarğa mediśina kirӓk - yaraqları satıp aluğa bulışuların , ildӓ şulay uq sulış alu cihazı da êşlӓp çığarıluın hӓm 4 meňnӓn kübrӓk ӓlege cihaznıň êksportlanuın citkerde.
Fahrettin Koca:”Minem uylawımça, bügenge köngӓ qadӓr hӓr krizistan tağın da köçlerӓk bulıp çıqqan Awrupa Berlege bu krizistan da ürnӓk berdӓmlek ,telӓktӓşlek belӓn nığıp, köçlerӓk bulıp çığaçaq” ,- dide.
Ministr çiklӓwlӓr beterelgӓnnӓn soň Törkiyӓgӓ çit illӓrdӓn 10 kön êçendӓ 1000nӓn kübrӓk xasta kileüen dӓ belderde.