“Yaňadan şӓkellӓngӓn global’ barışta Törkiyӓ balqıp toruçı yoldız kebek alğı planğa çığa”

 Törkiyӓ ilbaşı Rӓcӓp Tayyip Ӓrdoğan kabinet cıyılışınnan soň belderülӓr yasap anda qabul itelgӓn qararlarnı citkerde.

Ul yaňadan şӓkellӓngӓn global’ barışta Törkiyӓneň balqıp toruçı yoldız kebek alğı planğa çığuın assızıqladı.

İlbaşı Kovid -19 belӓn körӓş qısasında 5 million watandaşqa matdi yӓrdӓm kürsӓtelüen , aldağı könnӓrdӓ dӓ monıň dӓwam itӓçӓgen ӓytep uzdı.

Ӓrdoğan Törkiyӓgӓ mediśina ӓyberlӓre sorap mörӓcӓğӓt’ itkӓn 135 ildӓn 100enӓ yӓrdӓm qulı suzuların belderde.

Êpidemiyӓgӓ qarşı körӓştӓ kürelgӓn saqlıq çaraları nӓticӓsendӓ  koronavirus belӓn çirlӓwçelӓr sanında kimü küzӓtelüen beldergӓn ilbaşı, yaňa ğadӓti tormışqa kire qaytu qısasında qayber şӓhӓrlӓrdӓ ğamӓldӓ bulğan alarğa kerü-çığu tıyuınıň 1 nçe iyün’nӓn başlap beterelӓçӓgen hӓm şul uq könnӓn başlap  dӓwlӓt xezmӓtkӓrlӓreneň dӓ êşkӓ çığaçağın citkerde.

Ӓrdoğan restoran,kafe,park, baqça, muzey, kitapxanӓ, balalar bakçalarınıň da 1nçe iyün’nӓn başlap açılaçağın belderde.

İlbaşı:” Bergӓ hӓm berdӓm bulğanda bezne yaqtı kilӓçӓk kötӓ. Min moňa ışanam. Sӓyӓsi hӓm iq’tisadi cӓhӓttӓn qabat şӓkellӓngӓn global’ barışta Törkiyӓneň tağın da yuğarı ürlӓr yawlayaçağın xӓzerdӓn ük kürӓ başladıq”,-dide.