"Kovid-19nı başqalardan tizräk ciñä alabız"

Törkiyä ilbaşı Räcäp Tayyip Ärdoğan yaña tör koronavirus kizüe prośessın, bergäläp saqlanu çaraların ütägändä, başqa däwlätlärdän tağın da tizräk uza alu mömkinlegen äytte.

Ul “Gayrettepe – Kağıthane – İstanbul aêroportı metro proyektı tonneli berençe ut tantanası”nda videoêlemtä aşa qatnaştı.    

İlbaşı üzeneñ çığışında koronavirus belän köräşkä qağılışlı fikerlären dä citkerde.

“Alğa kitkän illär dä çarasız qalğan kizü çorında Törkiyä üz ixtiyacların qanäğat’länderep kenä qalmıyça, başqalarğa yärdäm itte. Ägär bergäläp saqlanu çaraların ütäsäk, ışanam, bik tizdän bez dön’yadağı başqa illärdän bu êşne tizräk uzaçaqbız,”-dide ul.  

Şulay uq, Kovid-19 belän köräştä ähämiyätle üzäk yasarğa planlaştırılğan İstanbul Atatörek aêroportı häm Sancaktepedäge xastaxanälär turında da süz buldı. Ärdoğan alarnıñ sälamätlek turizmı öçen ähämiyätle bulaçağın belderde.