Terrorçılıq belän köräş. İdlibtä urtaq patryul’
Törek qorallı köçläreneň terrorçılıq belän köräş qısalarında soňğı ber ayda “PKK/YPG” separatist terror oyışması äğ’zase 286 terrorçı täêsirsez xälgä kiterelde
1377718
Milli saqlanu ministrlığı terrorçılıq belän köräş turında belderü yasadı.
Monıň nigezendä Süriyädä “Solıx çişmäse” xäräkäte töbägendä soňğı ber ayda 155 terrorçı täêsirsez xälgä kiterelde.
Şuşı uq çorda Münbiçtän “Färat qalqanı” töbägenä ütep kerergä tırışqan 37, Täl Rıfattan “Zäytün botağı” töbägenä uzarğa telägän 7, ildäge häm çikneň ar’yağındağı operaśiyälärdä 87 terrorçı täêsirsez xälgä kiterelde.
Belderüdä İdlibtäge Törkiyä küzätü urınnarınıň wazıyfalarına däwam itüe, biredän awır qorallarnıň çigenüe turında süzneň barmawı assızıqlandı.
Başqala Änkarağa kilgän Rusiyä xärbi wäkillege belän İdlib söyläşüläre dä telgä alınğan belderüdä bu töbäktä Törkiyä-Rusiyä urtaq patryulläreneň 15nçe martta başlanaçağına basım yasaldı.
