“Törkiyädä älegä koronavirus terkälmäde, fäqät’ bu ixtimal bik yuğarı”

Törkiyä sälamätlek saqlaw ministrı Fahrettin Koca Törkiyädä xäzerge köngä qadär koronavirus oçrağı terkälmäwen , fäqät’ bu ixtimalnıñ bik yuğarı buluın da belderde.

Ministr başqala Änkarada ütkärelgän matbuğat oçraşuında Kovid -19 kizüenä qarşı kürelgän çaralar xaqında söyläde.

Kizü başlanu belän hawa mäydannarına termal’ kameralar urnaştırıluın , Qıtayğa oçışlarnıñ tuqtatıluın ,İran belän çik buyı qapqaların yabuların, Awrupanıñ isä saqlanu çaraları kürüdä soñğa qaluın citkerde.

Fahrettin Koca Awrupada virus yoqtıruçılar sanınıñ könnän kön arta baruın ,Germaniya häm Franśiyada aldağı könnärdä problemanıñ tağın da artaçağın assızıqladı.

Törkiyä sälamätlek saqlaw ministrı Fahrettin Koca:”Awrupa belän Törkiyä bik tığız mönäsäbätlärgä iyä. Bu kizüneñ xäzerge waqıtta Törkiyädä taralu ixtimalı bik yuğarı. Älegä koronavirus Törkiyädä terkälmäde”,-dide.