Ärdoğan: “Törkiyäneñ çik buyı NATOnıñ da çige”

İlbaşı Räcäp Tayyip Ärdoğan NATOnıñ Törkiyä belän teläktäşlegen anıq räweştä kürsätüe kiräkle kritik çorda buluın äytte.

Ärdoğan êşlekle säfär belän kitkän Bel’giya başqalası Bryussel’dä küreşkän NATO Ğomum särkätibe Yens Stoltenberg belän urtaq matbuğat oçraşuın oyıştırdı.

Törkiyäneñ 9 yıl inde Süriyägä bäyle yanawlar belän köräş alıp baruın assızıqlawçı Ärdoğan: "DEAŞ belän qara-qarşı bäreleşkän häm monıñ öçen şähitlär birgän berdänber NATO ile bez”, - diyep, NATOnıñ Törkiyä belän teläktäşlegen anıq itep kürsätüe zarur kritik çornıñ êçendä buluın belderde.

İlbaşı: "Möhim bulğanı NATOnıñ ilebezne saqlawğa häm terrorçılıq belän köräşüebezgä sizelerlek däräcädä öleş kertüe. Berlektäşlärebez ilebez belän teläktäşlekne ayırımlılıq yasamıyça häm säyäsi şartlarnı alğa sörmiçä kürsätergä tiyeş”, - dip äytte.

Ärdoğan Törkiyäneñ kön’yaq çikläreneñ NATOnıñ da kön’yaq çik buyı buluına basım yasap: "Hiçber Awrupa ileneñ Süriyädäge bäreleşlärgä häm humanitar faciğağa iğ’tibarsız qalu lyuksı yuq”, - dip äytte.