Greklar qaçaqlar belän köräşen däwam itä
Kire êtelgän köymälärne töreklär qotqara
Diñgez yulı belän Greśiyägä barıp citü öçen yulğa çıqqan qaçaqlarnı greklar kire êtkännän soñ Törkiyä yar buyı iminlege xezmätläre qotqardı. Bu xaqtağı belderüdä äytelgänçä, möhacirlär Çanakkalä töbäge Ayvacıq rayonı Kadırga borınınnan quzğalıp kitä. Greśiyä territorial’ sularına kerügä alarnı cirle iminlek saqçıları êläkterä. Bolay da dawıl arqasında alğa bara almawçı qaçaqlarnı Törkiyä yağına kire êtälär. Batu qurqınıçı yanağan 49 äfğanstan möhacire şunnan soñ Törkiyä yar buyı iminlege saqçılarınnan yärdäm sorıy. Alarnı barıp alalar.
Monnan tış, Aydınnıñ Kuşadası rayonı sulıqlarında da greklar tarafınnan kire êtelgän 2 rezin köymädäge 93 qaçaqnı Törkiyä yar buyı iminlege xezmätläre qotqardı. Alarnıñ 74e äfgan, 19ı süriyäle. Aralarında 28 bala häm 10 xatın-qız bar.
