"Sez dä bu yökne kütäräçäksez"
Ärdoğan sıyınuçılar mäs’äläsendä yärdäm itmäwçe Awrupa illärenä belderü yasadı
Törkiyä ilbaşı Räcäp Tayyip Ärdoğan sıyınuçılar mäs’äläsendä yärdäm itmäwçe Awrupa illärenä rizasızlıq belderde. “Qapqalarnı açarbız didek, bezne çınğa almadılar. Qapqalarnı açqaç ta “Yabığız” dip telefon artınnan telefon kilä. Ul êş tögällände. Sez dä bu yökne kütäräçäksez,”-dide ul.
Ärdoğan pänceşämbe könne Mäskäwdä Rusiyä däwlät başlığı Vladimir Putin belän oçraşaçaqların da äytte. “Süriyädäge wäzğıyät’ne qarap çığaçaqbız. Işandırıp äytäm, monnan artıq utnı tuqtatu yäisä başqa adımnarnı yasağannan soñ tiz arada näticägä ireşteräçäkbez,”-di ilbaşı.
Ärdoğan Süriyädä rejimğa kiräkle cawapnı birülären söyläde. “Här şähitebez öçen distälägän rejim äğ’zasın täêsirsez xälgä kiterep, oçqıç-tankların yuq itep bik awır xisap alabız. Maqsatıbız tizräk bu köräşne ciñü belän tögälläp tağın da kübräk qan tügelüenä çik quyu,”-dide Törkiyä ilbaşı.
