Törkiyädä koronavirus oçrağı terkälmäde

İlbaşı êlemtä idaräse Törkiyädä koronavirus oçraqları raslanuı turındağı süzlärneñ döreslekkä turı kilmäwen belderde. Annan yasalğan yazmaça açıqlawda äytelgänçä, sälamätlek saqlaw ministrlığınnan başlap barlıq oyışmalar kiräkle böten çaralarnı kürde.

Kizüneñ il çikläre êçenä ütep kermäwe öçen centekle êşçänlek alıp barıla. Belderüdä bolay diyelä: “Quldağı iñ soñğı mäğ’lümatlarğa qarağanda, ilebezdä bernindi yaña koronavirus oçrağı kürelmi. Älege mäs’älä belän bäyle qayber sośial’ medialarda urın alğan häm Törkiyädä yaña koronavirus oçraqları çığuı turındağı süzlär çınbarlıqnı çağıldırmıy. Media kompaniyälärebez, jurnalistlarıbız häm barlıq watandaşlarıbız sälamätlek saqlaw ministrı häm başqa räsmi çığanaqlarnı iğ’tibar üzägenä alsın, monıñ tışında mäs’älä belän bäyle yasalğan belderülär yäisä äytelgän farazlarnı çınğa almawların sorıybız”.