“Bu tınıçlıq planı tügel, basıp alu häm annekśiyäläw planı"

Törkiyä ilbaşı ,”Ğadälät häm qalqınu” partiyäse ğomum başlığı Räcäp Tayyip Ärdoğan partiyäseneñ Törkiyä Böyek Millät Mäclesendäge törkem cıyılışında çığış yasap Amerika Quşma Ştatlarınıñ güyä tınıçlıq planın tänqit’läde.

Üz çığışında yıllar buyı İzrail basıp aluınıñ niçek cäyelüen kartada kürsätkän ilbaşı :”Plannıñ maqsatı - 70 yıl buyı özleksez däwam itkän İzrailneñ basıp alu, talaw, tartıp alu säyäsätlären legal’läşterü”,-dide.

Ärdoğan: “Bu tınıçlıq planı tügel, basıp alu häm annekśiyäläw planı.Qudüs däğ’wasın yaqlıybız. Bu yuünäleştä närsä êşlänergä tiyeş bulsa şunı êşlädek häm bu şulay däwam itäçäk”,-dide.

Törkiyä ilbaşı güyä tınıçlıq planınıñ fälästinle qaçaqlarğa üz cirlärenä kire qaytu xoquqı birmäyäçägen belderep:”Bolar basıp aluçı. Tramp ta bu basıp aluçılarnı yaqlıy. AQŞ miña küzläw oyışması başlığına yanıy. Törkiyädäge qayber finans oyışmalarına da qurqınıç tudıralar. Närsä genä êşläsägez dä telägegezgä ireşä almayaçaqsız. Fälästinle qardäşlärebez riza bulmağan plannı xuplamıybız”,-dide.