Ärdoğan belän Tramp söyläşte

Törkiyä ilbaşı Räcäp Tayyip Ärdoğan AQŞ däwläte başlığı Donal’d Tramp belän kiçä kiç telefonnan söyläşte.

İlbaşı idaräsennän yasalğan belderüdä äytelgänçä, äñgämädä, ikeyaqlı mönäsäbätlärdän tış, Liviyädäge soñğı wäzğıyät’ häm regional’ mäs’älälär qaraldı.

Aq Yort süzçese urınbasarı Djadd Dir isä Ärdoğan belän Trampnıñ söyläşüe turında mondıy belderü yasadı: “İke lider Süriyä häm Liviyädäge qurqınıçsızlıq torışı, İrandağı protest çaraları häm älege ildä Ukraina oçqıçınıñ bärep töşerelüe turında söyläşte”.