Rusiyä belän Törkiyä kileşte

Törkiyä belän Rusiyä arasında diplomatik bäyläneşlär däwam itä. Kiçä Mäskäwgä kitkän törek delegaśyäse Liviyä häm Süriyä mäs’äläsendäge söyläşülärne tämamlap Änkarağa qayttı.   

Mäskäwdä uzğan oçraşularda Liviyädäge waqıyğalar, İdlibtäge soñğı wäzğıyät’ häm Rusiyä däwlät başlığı Vladimir Putinnıñ 8nçe ğıynvarda Törkiyägä säfärenä xäzerleklär qaraldı.

Rusiyä tışqı êşlär ministrlığınıñ törek delegaśiyäse turındağı belderüendä bolay diyelä: “Törkiyä belän Liviyä mäs’äläsendä söyläşülärne däwam itterü mäs’äläsendä kileşügä bardıq”.

Anda, şulay uq, tügäräk östäl artında rus delegaśiyäsen däwlät başlığınıñ Yaqın Könçığış häm Afrika illäre maxsus wäkile Mixail Bogdanov, törek delegaśiyäsen isä tışqı êşlär ministrı urınbasarı Sedat Önalnıñ citäkläwe äytelä.

“Fiker alışulardan soñ Liviyädäge krizisnıñ tiz arada çişelüenä bulaçaq yärdämne dä kertep, älege ildäge problema belän bäyle söyläşülärne däwam itü mäs’äläsendä kileşende,”-diyelä belderüdä.