“PKK” Törkiyädä häm çik ar’yağında köçle höcümnärgä duçar buldı”

 Törkiyä ilbaşı Räcäp Tayyip Ärdoğan “PKK” terror oyışmasına üz tarixındağı iñ köçle höcümnär yasaluın belderde.

 Ul bu xaqta Şveśariyäneñ Jeneva qalasında Xalıqara demokratlar berlegeneñ Awrupa wäkillären qabul itkän cıyılışta yasağan çığışında citkerde.

 Ärdoğan üz çığışında terrorğa qarşı köräşkä tuqtalıp tübändägelärne citkerde: “PKK” Törkiyädä häm çik ar’yağında  köçle höcümnärgä duçar buldı. Soñğı 3 yılda tormışqa aşırğan 3 xäräkät belän kön’yaq çik buyıbızda buldıru planlaştırılğan terror koridorın yuqqa çığardıq, Süriyäneñ cir bötenlegen garantiya astına alaçaq kritik adım yasadıq. Bilgele ber imperialistik köçlär ximayäsendä 9 yıl buyı qorılğan tozaqnı qaharman ğaskärlärebez häm Süriyä milli armiyäse köräşe belän barı tik berniçä atnada tar-mar ittek”.