Nemeślar Törkiyädä yal itärgä yarata
Bıyıl älege ildän cäyge yal çorında Törkiyägä baru öçen taläp zur bulğan
1321271
![Nemeślar Törkiyädä yal itärgä yarata](http://cdn.trt.net.tr/images/xlarge/rectangle/77a1/ee04/235c/5d3701ca23b92.jpg?time=1718857421)
Nemeślarnıñ yal öçen küpläp törek yarların saylawı “Törkiyäneñ êlekkege köçenä kire qaytuı” şikelle bäyälände.
Germaniyä säyäxät agentlıqları berlegennän yasalğan belderüdä äytelgänçä, bıyıl älege ildän cäyge yal çorında Törkiyägä baru öçen taläp zur bulğan.
Cäyen säyäxät agentlıqları häm internet aşa satulardan kilgän kerem, uzğan yılğa qarağanda, 24% artqan.
Belderüdä, şuılay uq, Törkiyäneñ cäy köne İspaniyädän soñ iñ küp bron’ yasalğan yünäleş buluı da äytelä. Germaniyädän yalğa kilüçelär qışın da az tügel.