Ärdoğan: “Berkemnän dä röxsät almıybız”
İlbaşı Räcäp Tayyip Ärdoğan: "Greśiya, İzrail, Misır häm Kön’yaq Kipr citäkçelege raslawıbız bulmıyça Könçığış Urta diňgezdä adım yasıy almas”, - dip äytte
![Ärdoğan: “Berkemnän dä röxsät almıybız”](http://cdn.trt.net.tr/images/xlarge/rectangle/61ba/fa47/9526/5def39fda22d8.jpg?time=1718796197)
İlbaşı Ärdoğan TRT Törkiyä teleradiokompaniyasınıň urtaq tapşıruında könüzäk mäs’älälärne bäyäläp, sorawlarğa cawap birde. Ärdoğan Könçığış Urta diňgezdä Liviya belän tözelgän kileşü belän Törkiyäneň xalıqara xoquqtan tuğan xaq-xoquqların qullanuına işaräläp: "Bu räweşle Greśiya bernärsä dä êşli almaslıq xälgä kilde, şuňa kürä qotıralar”, - dip äytte.
"Könçığış Urta diňgezdä bügengä çaqlı telägännären aldılar, monnan soň bu bolay bulmayaçaq, monnan arı bez dä xaq-xoquqıbıznı saqlayaçaqbız”, - dip äytüçe İlbaşı: "Tağın ber borawlaw köymäsen alaçaqbız. Barı tik Urta diňgezdä genä tügel, Qara diňgezdä, xätta xalıqara su kiňlegendä dä şuşı êşçänlekne alıp baraçaqbız”, - dip belderde.
İlbaşı Ärdoğan yar buyında urnaşqan böten illär belän söyläşülärgä äzer bez, xaqlı çişeleş çaqırularınıň däwam itüen dä assızıqladı.
Ärdoğan "Liviyağa törek xärbiläre baraçaqmı?” digän sorawğa isä: "Liviya telägän oçraqta Törkiyä monıň qararın üze qabul itär, berkemnän dä röxsät almıybız”, - dip cawap birde.