"Törkiyä belän qabat oçraşaçaqbız"

Awrupa Berlegendäge 3 däwlätneñ liderı kiläse aylarda Törkiyä ilbaşı Räcäp Tayyip Ärdoğan belän qabat oçraşaçaq. Söyläşülärneñ Törkiyädä ütüe kötelä.

Franśiyä ilbaşı Êmmanuêl’ Makron, Germaniyä kanślerı Angela Merkel’ häm Angliyä xökümäte räise Boris Djonson 2020nçe yılnıñ berençe aylarında Ärdoğan belän oçraşırğa isäpli.

Angliyäneñ başqalası Londondağı NATO sammitı artınnan Makron belderülär yasadı. Ul üzläreneñ Äl Kaida häm DEAŞnıñ doşmannarı buluın assızıqladı.

 “Törkiyäneñ iminlege häm terrorçılıq belän köräşkä zur qorbannar birüenä xörmätem häm berlektäş mönäsäbätlärebez qısalarında, DEAŞnıñ qabat canlanmawı xaqına, Süriyäneñ tön’yaq-könçığışındağı wäzğıyät’ belän bäyle dialognıñ köçäytelüe kiräk,”-dide ul.
Makron ilbaşı Ärdoğan, Germaniyä kanślerı Merkel’ häm Angliyä xökümäte räise Djonson belän aldağı könne Londonda tormışqa aşırılğan dürtyaqlı sammitnı xäterlätep bolay dide: “Süriyä, Liviyä häm başqa mäs’älälärdä Törkiyä belän dialognı däwam itärgä qarar birdek. 2020nçe yılnıñ täwge 3 ayında möğayen Törkiyädä qabat oçraşırbız”.

Franśiyä ilbaşı Törkiyä belän kileşä almağan mäs’älälär buluın, ämma söyläşülärneñ däwam itüe kiräklegen söyläde.