Ärdoğan: “Törkiyä kördlärne qardäş bularaq kürä”
İlbaşı Räcäp Tayyip Ärdoğan Amerika Quşma Ştatları İlbaşı Donal’d Tramp belän bergä qayber räsmilärneñ körd dip tanıtqan törkemneñ nigezdä “PKK” separatist terror oyışması buluına basım yasadı
Ärdoğan êşlekle säfär belän kitkän Amerika Quşma Ştatlarında Däwlät başlığı Donal’d Tramp belän qara-qarşı häm wäkilleklärara söyläşülärdän soñ qayber Cömhüriyätçe senatorlar da qatnaşqan cıyılış ütkärde.
Ärdoğan biredä ber soraw uñayınnan kördlärne qardäş bularaq kürgän Törkiyäneñ iñ küp körd xalqı yäşäwçe il buluına, Amerika Quşma Ştatlarınıñ êlekke İlbaşı Barak Obama çorında Süriyädän Törkiyägä 350 meñ kördneñ küçüenä basım yasap: "Sezneñ körd dip äytkänegez isä “PKK-PYD-YPG”. Bolar terror oyışması”, - dip äytte.
Törkiyä ilbaşı (Trampnıñ moñarçı “general” dip telgä alğan) Mazlum Kobani quşamatlı terrorçınıñ “PKK” separatist terror oyışması atamanınıñ mäğnävi balası buluın da assızıqlap äytep uzdı.
Ärdoğan Süriyä çigendä oyıştırıluı planlaştırılğan iminle töbäkne 6 ay belän 2 yılda 1 million qaçaqnıñ urnaştırıluı öçen plan/proyektlarınıñ äzer buluına iğ’tibarnı yünältte.
Annan soñ Ärdoğan häm Tramp urtaq matbuğat oçraşuına uzdı.
