İlbaşı AQŞta

Törkiyä ilbaşı Räcäp Tayyip Ärdoğan êş säfäre belän AQŞqa kitte.

Anı başqala Vaşingtondağı Êndryus hawa bazasında Törkiyäneñ Vaşingtondağı tulı wqalätle ilçese Särdar Kılıç, Törkiyäneñ Berläşkän Millätlär Oyışması daimi wäkile Färidun Sinirlioğlu , AQŞ protokol ğomum mödire Kêm Xenderson häm başqa räsmi zatlar qarşı aldı.

Ärdoğannıñ AQŞ säfärendä xäläl cefete Äminä Ärdoğan, tışqı êşlär ministrı Mävlüt Çavuşoğlu,qazna häm finans ministrı Bärat Albayrak, saqlanu ministrı Hulusi Akar, säwdä ministrı Ruhsar Päkcan, “Ğadälät häm qalqınu” partiyäseneñ ğomum başlıq urınbasarı Mahir Ünal, älege partiya süzçese Ömär Çälik,ilbaşı idaräseneñ êlemtä bülege başlığı Fahrettin Altun häm ilbaşı idaräse süzçese İbrahim Qalın da qatnaşa.

Törkiyä ilbaşı berençe bulıp Villard qunaqxanäsendä AQŞ säwdä palatası, tışqı iq’tisadi mönäsäbätlär şurası häm Törkiyä –AQŞ êş şurası oyıştırğan tügäräk östäl cıyılışında qatnaştı.

Cıyılış matbuğatqa yabıq uzdı.

Tügäräk östäl cıyılışında Törkiyä tışqı êşlär ministrı, qazna häm finans ministrı,saqlanu ministrı, säwdä ministrı, ilbaşı idaräseneñ êlemtä bülege başlığı belän ilbaşı idaräse süzçese dä qatnaştı.

Şulay uq Pepsico, Google, UPS, Hilton, The Coca Cola Company, GE, Citi, Uber, Törek hawa yulları (THY), Limak, TAV hawa mäydannarı xoldingı, Borusan, Kale Group şirkätläre wäkilläre häm  tışqı iq’tisadi mönäsäbätlär şurası ,Nasdad,Amerika säwdä palatası wäkilläre dä urın aldı.