" Awrupadağı töreklär – Awrupa öçen qazanış"
Bu xaqta çit illärdä yäşäwçe töreklär häm tuğandaş cämğiyät’lär başlığı Abdullah Ärän Törkiyädän Germaniyağa küçenüneñ 58 yıllığı uñayınnan yasağan belderüendä citkerde
![" Awrupadağı töreklär – Awrupa öçen qazanış"](http://cdn.trt.net.tr/images/xlarge/rectangle/cb0e/eb30/4c1b/5dbbf966f2628.jpg?time=1718876127)
Çit illärdä yäşäwçe töreklär häm tuğandaş cämğiyät’lär başlığı Abdullah Ärän Törkiyädän Germaniyağa küçenüneñ 58 yıllığı uñayınnan yasağan belderüendä möhim yullamalar citkerde.
Ul Törkiyädän Germaniyağa küçenüçelärneñ ilneñ barı tik êş köçenä genä tügel, iq’tisadi, säyäsi ,sośial’ häm mädäni strukturasına da zur öleş kertüenä basım yasadı.
Abdullah Äran Awrupa illäreneñ Awrupadağı töreklärne qazanış itep kürüläre kiräklegen assızıqlap tübändägelärne citkerde: “Kübese telen dä belmägän bu ildäge täwge näsel bügenge köndä dürtençe näselgä kilep citte. Bu yäş' häm dinamik näselneñ üz cämğiyäte üseşenä öleş kertkändä töp watannarı häm tuğan tele belän dä bäyläneşen özmüçä ike il mönäsäbätlärendä möhim rol’ uynawına ışanam”,-dide.
Ul 58 yıl êlek 1961 nçe yılnıñ 30 nçı oktyabrendä Germaniyanıñ Boon qalasında imzalanğan “Êş köçe alu kileşüe” belän berençe êtapta 2 meñ 500 Törkiyä watandaşınıñ Germaniyaga küçep kitüen xäterlätte.
Abdullah Ärän Germaniyadağı töreklär sanınıñ 3 million yarımğa citüen, çit illärdä yäşäwçe töreklär häm tuğandaş cämğiyät’lär räislegeneñ çit illärdäge barlıq Törkiyä watandaşlarına bulğan kebek Germaniyadağı watandaşlar öçen dä mäğarif, mädäniyat, xoquq häm başqa tarmaqlarda proyektlar başqaruın da äytep uzdı.
Bäyläneşle xäbärlär
![Ärdoğan Äliyev (Әлиев) belän bäyrämläşte](http://cdn.trt.net.tr/images/medium/rectangle/7680/6199/8634/6673c85490891.jpg?time=1718876128)
Ärdoğan Äliyev (Әлиев) belän bäyrämläşte
Törkiyä İlbaşı Räcäp Tayyip Ärdoğan Azärbaycan Däwlät başlığı İlham Äliyev (Әлиев) belän bäyrämläşte
![Törkiyä zäñgär bayraqta dönya öçençese](http://cdn.trt.net.tr/images/medium/rectangle/9770/5ad7/48f7/66703fbb34951.jpg?time=1718876128)
Törkiyä zäñgär bayraqta dönya öçençese
Törkiyä zäñgär bayraqlı plyaj sanı belän dönyada öçençe urında