İlbaşı Serbiyägä säfär yasıy

Törkiyä ilbaşı Räcäp Tayyip Ärdoğan Törkiyä – Serbiya yuğarı däräcäle xezmättäşlek şurasınıñ ikençe cıyılışında qatnaşu öçen irtägä Serbiyägä kitä.

Älege cıyılışta bäyläneşle ministrlar häm başqa räsmi zatlar da qatnaşaçaq.

Oçraşularda ike yaqlı mönäsäbätlär törle yaqlap qaralaçaq, xezmättäşlekne üsterü öçen yasalaçaq adımnar söyläşeläçäk, regional’ häm xalıqara mäs’älälär dä kön tärtibennän çittä qalmayaçaq.

7-8 nçe oktyabr’ könnärendä uzaçaq çara ike il arasında diplomatik mönäsäbätlär urnaştırunıñ 140 yıllığı bilgeläp ütelgän könnärgä turı kilä.

 Bu qısada Törkiyä – Serbiya Êş forumı da uzaçaq.

İlbaşınıñ Serbiyägä säfärendä Törek xezmättäşlek häm koordinaśiya agentlığınıñ Serbiyädä tormışqa aşırğan proyektları häm Törkiyä şirkätläre tözegän êşxanälärne açu häm nigez salu tantanaları ütkärü dä küzdä totıla.