Sudanda törek awılları tözeläçäk
Su basudan soñ yort-cirsez qalğan sudanlılarğa törek oyışmaları awıllar salıp birergä niyätli
Sudan üz tarixındağı iñ zur su basu hälakätenä duçar buldı. Aña İslam dön’yası ictimağıy oyışmalar berlegeneñ gumanitar yärdäm platforması qulın suza.
Berlekneñ çaqıruınnan soñ 20dän artıq oyışma bergä cıyıldı. Alar Sudannıñ yaraların bäyläw öçen urtaq kampaniyä başladı. Cıyılışnı Tökiyä Qızılayı oyıştırdı. Ul “Sudannıñ yaraların bergä bäylik” şiğare astında uzdı.
Berlekneñ gumanitar yärdäm platforması ğomum särqatibe Ali Kurt utırışta çığış yasap Sudanda su basuda 16 töbäktä yaqınça 41 meñ yortnıñ cimerelüen häm 350 meñnän artıq keşeneñ zarar kürüen belderde. Ul kampaniyä barışında başqarılaçaq êşlärne dä äytep uzdı. “Qardäş Sudannıñ afättän iñ nıq zıyan kürgän urınnarında cirle arxitekturağa turı kilüçe “törek awılları” tözergä planlaştırabız,”-di Ali Kurt. Monnan tış, mobil’ klinikalar xezmät kürsätäçäk. Şul räweşle, Sudan xalqına aşığıç mediśina yärdäme täêmin iteläçäk. Kurt äytkänçä, wäzğıyät’kä qarap azıq-tölek häm gigiyena kiräk-yaraqları öläşenäçäk.
