İlbaşınıñ Ciñü bäyräme qotlawı

Törkiyä ilbaşı Räcäp Tayyip Ärdoğan törek xalqınıñ kiçäge şikelle ük bügen dä bäysezlek häm kiläçäk öçen canınnan da ğaziz sanawçı watanı xaqına fidaqarlıq häm ğayrät kürsätergä äzer buluın belderde.

İlbaşı 30nçı avgust Ciñü köne uñayınnan möräcäğat’ yasadı. Anda ul älege datanıñ 97 yıllığı uñayınnan xalıqqa bu Ciñüne büläk itkän Bäysezlek suğışınıñ baş komandirı Mostafa Kämal Atatürkne, Böyek Millät Mäcleseneñ möxtäräm wäkillären häm qaharman törek armiyäseneñ barlıq xärbilären räxmät belän iskä aldı.

Ärdoğan Törkiyädä, Tön’yaq Kipr törek cömhüriyätendä häm dön’yanıñ här tarafında yäşäwçe törek watandaşlarınıñ härbersen Ciñü bäyräme belän täbrik itte.

“30nçı avgustta qazanğan iskitkeç ciñü belän bezneñ xalqıbız üzenä yaraqlı dip uylanılğan qollıq külmägen yırtıp ata häm bäysezlegen bernigä dä almaşmayaçağı turında dön’yağa iğ’lan itä. Sonğı däwlätebez Törkiyä cömhüriyäteneñ dä başlanğıçı bulğan Zur Ciñü tarixtan sörtelergä mataşqan törek milläteneñ qabat ayyaqqa kütärelüe,”-dide Törkiyä ilbaşı üzeneñ bäyräm möräcäğatendä.