Törkiyä ilbaşı Rusiyädä

Törkiyä ilbaşı Räcäp Tayyip Ärdoğan bügen 1 könlek säfär belän Rusiyägä kitte.

Anı Mäskäwdäge xalıqara hawa mäydanında Rusiya Federaśiyäse tışqı êşlär ministrlığı räsmi zatları,Törkiyäneñ Mäskäwdäge tulı wäqalätle ilçese Mäxmät Samsar häm başqa bäyläneşle zatlar qarşı aldı.

İlbaşınıñ Rusiya säfärendä tışqı êşlär ministrı Mävlüt Çavuşoğlu, qazna häm finans ministrı Bärat Albayrak, saqlanu ministrı Hulusi Akar, sänäğät’  häm texnologiya ministrı Mostafa Varank, ilbaşı idaräse êlemtä başlığı Fahrettin Altun belän ilbaşı idaräse süzçese İbrahim Qalın da qatnaşa.

İlbaşı Ärdoğan MAKS – 2019 Xalıqara aviaśiya häm ğaläm yärminkäsen açu tantanasında qatnaşaçaq.

Törkiyä ilbaşı Räcäp Tayyip Ärdoğan säfär qısasında Rusiya Federaśiyäse däwlät başlığı Vladimir Putin belän küreşäçäk. Üzara häm wäkilleklär arası söyläşülärdän soñ alar urtaq matbuğat oçraşuı ütkäräçäk.

Söyläşülärdä Törkiyä – Rusiya mönäsäbätläreneñ törle yaqlap qaraluı, Süriyä berençe çiratta bulu belän bergä regional’ häm xalıqara mäs’älälär xaqında fiker alışu kötelä.