Ärdoğan yaña xökümät räisen qotladı
Angliyädä älege wazıyfağa näsele Ğosmanlı ministrına barıp totaşuçı Boris Djonson kereşä
Törkiyä ilbaşı Räcäp Tayyip Ärdoğan Angliyäneñ yaña xökümät räise Boris Djonsonnı täbrik itte häm bu wazıyfasında uñışlar teläde. Bu xaqta däwlät başlığı Twitterda yazma urtaqlaştı. Anda mondıy süzlär bar: “Berläşkäñ Patşalıqnıñ 77nçe xökümät räise bulğan Boris Djonsonnı täbrik itäm, aña yaña wazıyfasında uñışlar telim. Bu çorda Törkiyä - Böyekbritaniyä mönäsäbätläreneñ tağın da üsäçägenä ışanam”.
Törkiyä ilbaşı Räcäp Tayyip Ärdoğan Angliyäneñ yaña xökümät räise Boris Djonsonnı täbrik itte häm bu wazıyfasında uñışlar teläde. Bu xaqta däwlät başlığı Twitterda yazma urtaqlaştı. Anda mondıy süzlär bar: “Berläşkäñ Patşalıqnıñ 77nçe xökümät räise bulğan Boris Djonsonnı täbrik itäm, aña yaña wazıyfasında uñışlar telim. Bu çorda Törkiyä - Böyekbritaniyä mönäsäbätläreneñ tağın da üsäçägenä ışanam”.
Yaña ğına “tabadan töşkän” viśe-prem’yernı Törkiyä tışqı êşlär ministrı Mäwlet Çavuşoğlu da qotladı.
Twitterda urtaqlaşqan yazmasında ul: “Konservativ partiyä citäkçese bularaq saylanğan Böyekbritaniyäneñ yaña xökümät räise, dustım Boris Djonsonnı çın küñeldän täbrik itäm,”-di. Ministr şunda uq Djonson Änkarağa kilgän waqıtta töşerelgän videonı da berketä. Anda ingliz qunaqnıñ Törkiyäneñ Çankırı töbägennän çığuı belän bäyle şayarışu bar. Bilgele bulğança, Boris Djonsonnıñ ätise tarafı Ğosmanlıdan kilä. Babası Ali Kämal - törek jurnalistı bula, berara êçke êşlär ministrı wazıyfasın da başqara. Boris isä - anıñ berençe xatınınnan tuğan ulı Stenli Djonsonnıñ balası.
