Törkiyӓ terror höcümen ğayeplӓde

Törkiyӓ Nigernıñ Mali çigendӓge İnates şӓhӓrendӓ xӓrbi berlekkӓ oyıştırılğan terror höcümen ğayeplӓde.

Tışqı êşlӓr ministrlığınnan yasalğan yazma açıqlawda Nigerneñ könbatışındağı Tillaberi töbӓgendӓ urnaşqan İnatestağı xӓrbi berlekkӓ oyıştırılğan intixar höcümendӓ şaqtıy keşeneñ yaqtı dönyadan kitüe xӓbӓreneñ borçuğa saluı citkerelde.

Açıqlawda: “Bu terror höcümen qırıs rӓweştӓ ğayeplibez, qardӓş Niger xalqı hӓm xökümӓteneñ qayğısı belӓn urtaqlaşabız, ğomere özelüçelӓrgӓ Allahtan yarlıqaw sorıybız,”- dip ӓytelde.

Nigerneñ Mali çigendӓ armiyağa bӓyle ber ştab yanına bomba urnaştırğan terrorçılar 2 transport çarasın şartlattı hӓm ğakӓrilӓrgӓ ut açqan ide.

Waqiğada 18 ğaskӓrineñ ğomere özelde, 4 ğaskӓridӓn xӓbӓr bulmawı belderelgӓn ide.

Niger armiyase ilneñ könbatışında DEAŞ hӓm El Kaidegӓ bӓylӓneşe bulğan terror oyışmaları belӓn körӓş alıp bara.