Törkiyä-İran arasında iminlek xezmättäşlege

İminlek ğomum mödire Cälal Uzunkaya İran başqalası Tährandağı oçraşuları qısalarında İran poliśiya oyışması komandirı general Xösäyen Äştäri belän küreşep söyläşte.

İke il arasındağı iminlek, terrorçılıq belän köräş häm çik buyındağı qanunsız kiçülär kebek mäs’älälär quzğatılğan wäkilleklärara söyläşülärdän soñ Uzunkaya häm Äştäri Törkiyä belän İran arasında terrorçılıq, äf’yün säwdäse häm qanunsız migraśiya belän urtaq köräşüne küzdä totuçı kileşü tekstına qul quydı.

İmza salu tantanasınnan soñ açıqlawlar yasawçı İminlek ğomum mödire Uzunkaya Törkiyä belän İran poliśiya oyışmaları arasında uzğan çordan bügengä çaqlı däwam itüçe xezmättäşlekneñ tağın da alğa taba alıp barıluı ölkäsendä kileşügä ireşelüen häm monı protokol belän raslawların äytte.

Uzunkaya: "Törkiyä häm İrannıñ iminlek berämlekläre bularaq köçebezne, iradäbezne, mäğ’lümatlärebezne häm täcribälärebezne berläştergän oçraqta härtörle urtaq problemanıñ çişeleşendä möhim êtaplar uzaçağıbızğa ışanabız”, - dip äytte.

İran poliśiya oyışması komandirı general Äştäri dä, çik buylarınıñ iminlege, cinayätçelärneñ qaytarıluı häm oyışqan cinayät’lär belän köräş mäs’äläsendä faydalı söyläşü ütkärülären belderep: "Törkiyä häm İran köçle poliśiya qorılışına, strukturasına iyä. Añlı räweştä adım yasap häm ağımdağı texnologik alğarışlardan faydalanıp, ışanıçsızlıq täşkil itüçe härtörle kereşügä qarşılıq kürsätälär”, - dip äytte.