Ärdoğan Pekinda
Ul Qıtay däwlät başlığı Si Śzin’pin belän oçraşaçaq
İlbaşı Räcäp Tayyip Ärdoğan Yaponiyädäge oçraşuların tögälläp Qıtayğa kitte. Pekin başqala xalıqara aêroportında anı törek häm qıtay räsmi zatları qarşı aldı.
Ärdoğannı säfärendä xatını Äminä xanım, tışqı êşlär ministrı Mäwlet Çavuşoğlu, qazna häm finans ministrı Bärat Albayraq, mädäniyät häm turizm ministrı Mäxmät Nuri Ärsoy, milli saqlanu ministrı Xulusi Akar, säwdä ministrı Ruxsar Päkcan häm başqa däwlät êşlekleläre ozatıp yöri.
Törkiyä ilbaşı, säfär qısalarında, Qıtay däwlät başlığı Si Śzin’pin belän oçraşaçaq. İke lider küzgä-küz äñgämädän soñ delegaśiyälärara cıyılışta citäkçelek itäçäk.
Oçraşunıñ ähämiyätle temalarınnan berse - 2017nçe yılda tormışqa aşırılğan “Ber näsel-ber yul” proyektı bulaçaq. Monnan tış, ikeyaqlı häm iq’tisadi mönäsäbätlär dä qaralaçaq.
Ärdoğannıñ säfäre waqıtında regional’ häm xalıqara mäs’älälärne häm ikeyaqlı êlemtälärne tağın da alğa cibäräçäk oçraşular ütüe kötelä.
