Törkiyä häm Greśiya saqlanu ministrları oçraştı
Törkiyä Milli saqlanu ministrı Hulusi Akar Greśiya saqlanu ministrı Evangelos Apostolakis belän küreşte
Milli saqlanu ministrlığınnan yasalğan belderügä kürä, Akar Bel’giya başqalası Bryussel’ oçraşuları qısalarında Greśiya saqlanu ministrı Apostolakis belän NATO ştabında oçraştı.
Oçraşu waqıtında ike il saqlanu ministrlıqları arasında Afina häm Änkarada ütkärelgän ışanıç arttıruçı çaralar belän bergä Ägäy diñgezendä xezmättäşlekne üsterü maqsatınnan çığıp wäkilleklär arasında uzdırılğan cıyılışlardan toyılğan qänäğät’lelek belderelde, telgä alınğan şuşı cıyılışlarnıñ yaxşı kürşe mönäsäbätläre êçendä däwam itüeneñ möhimlegenä tuqtalıp uzıldı.
Ministr Akar problemalarnıñ yaxşı kürşe mönäsäbätläre êçendä, tınıçlıq häm duslıq qısalarında, xalıqara xoquqqa yaraşlı räweştä xäl itelüenä, Ägäy diñgeze häm Urta diñgezdä milli xaq-xoquqtan häm mänfäğät’lärdän taşlama yasalmayaçağına, provokativ xäräkät räweşlärennän häm açıoqlawlardan taypılunıñ möhimlegenä basım yasadı.
Şul uq waqıtta Hulusi Akar NATO saqlanu ministrları cıyılışı qısalarında NATO xärbi komitet başlığı armiya generalı Stuart Peaç häm NATO Ğomum särkätibe Yens Stoltenberg belän dä ayırım ayırım küreşep söyläşte.
