Törkiyädän Fälästin migrantlarına yärdäm

Törkiyä BMOnıñ Fälästin migrantlarına yärdäm agentlığına 10 million dollar küçeräçäk. Bu xaqta ilneñ Berläşkän Millätlär oyışmasındağı daimi wäkile Färidun Sinirlioğlu belderde. Ul BMOnıñ “Yärdäm burıçları” konferenśiyäsendä çığış yasadı.

Sinirlioğlu Törkiyäneñ Fälästin migrantlarına yärdäm agentlığına öleş kertüne sonğı 2 yılda 10 tapqır arttıruın assızıqladı. Ul Yaqın Könçığışta kiñ külämle bäreleşlärneñ awır näticäläre buluın da äytte. “Işanıçlı tınıçlıq prośessı bulmasa - daimi gumanitar çişeleş tä bulmayaçaq,”-di wäkil.

Sinirlioğlu Fälästin migrantlarına yärdäm agentlığı fondınıñ irekle iğanälär belän genä täêmin itelüen häm finans xäleneñ bik naçar buluın belderde. Ul xalıqara cämäğat’çelekne säyäsi häm matdi yärdämne arttırırğa çaqırdı. Daimi wäkil Fälästindä nıqlı häm köçle çişeleşkä ireşkängä qadär agentlıqnıñ roleneñ citdi ähämiyätkä iyä buluın da äytte.

BMOnıñ Fälästin migrantlarına yärdäm agentlığı ğomum komissarı P’yer Kraxenbul’ üz çığışında bolay dide. “Sezneñ kertkän öleş tormışlarnı saqlap qalu öçen ähämiyätle. Yartı millionnan artıq bala üz waqıtında mäktäpkä yöri başlağanda fondlarığız belän närsälärgä mömkinlek birüegez kürenäçäk”.

Agentlıqnıñ finans citeşsezlegen beterü öçen tağın 1 milliard 200 million dollarğa ixtiyacı bar.