Ärdoğan sänğat’çe häm sportçılar belän oçraştı

Törkiyä ilbaşı Räcäp Tayyip Ärdoğan kiçä İstanbulda Dolmabahçä sarayında sänğat’çe häm sportçılar belän oçraştı. Däwlät başlığı alarğa ilneñ üseşenä häm tanıluına kertkän öleşläre öçen räxmäten citkerde.

Ärdoğan mädäniyät, sänğat’ häm sportnıñ millätlärneñ urtaq qıymmäte buluın belderde. Şuña kürä sänğat’çe häm sportçılar xalıqnın yözek qaşı bulıpğa tiyeş. İlbaşı äytüençä, Törkiyä alarnıñ däräcäsen arttıru häm mömkinleklären kiñäytü öçen tırışa. Mädäni çaralarğa däwlät yärdäme 2002nçe yıldan birle 20 tapqır artqan. Barı tik kinemotografiya tarmağına birelgän yärdäm küläme 40 qat üskän.  

Ärdoğan Törkiyäneñ iñ zamança opera teatrı binasına iyä buluın, Taksimda da İstanbulğa kileşä torğan opera häm mädäniyät üzäge tözülären xäterlätte.  

İlbaşı sportçılar öçen dä bik ähämiyätle yärdäm häm asqorma xezmätlären tormışqa aşıruların söyläde. Bügen Törkiyä sport qorılmaları sanı buyınça maqtanırlıq däräcägä mende, kategoriyäle sportçı sanı isä 280 meñnän 9 millionğa citte.