Ukrainanıñ yaña ilbaşı Törkiyädä yal itä
Anı ber restoranda it peşergändä kürep alğannar
![Ukrainanıñ yaña ilbaşı Törkiyädä yal itä](http://cdn.trt.net.tr/images/xlarge/rectangle/1f3c/f2f3/3669/5cc59b0e113d3.jpg?time=1718867219)
Ukrainanıñ yaña saylanğan ilbaşı Vladimir Zelenskiy ğailäse belän bergä Muğlanıñ Bodrum rayonında yal itä. Alar Güvercinlik mäxälläsendäge 5 yoldızlı qunaqxanädä tuqtalğan. Ğailäneñ atna axırında kiçke säğat’lärdä Milta portındağı ber restoranda it rizıqlarınnan toruçı maxsus menyudan zakaz birüläre kürengän. Käyef belän waqıt ütkärüçe ilbaşı berara gril’ yanına barıp üze it peşerü belän mäşgül’ bula.
Zelenskiy häm ğailäse soñınnan saqçılar belän bergä restorannan kitte.
Ukrainada ütkän ilbaşı saylawlarınıñ ikençe turında kämitçe Vladimir Zelenskiy 73,22% tawışnı cıyıp östen çıqtı. Anıñ köndäşe - xäzerge däwlät başlığı Petro Poroşenkoğa saylawçılarnıñ isä 24,45%ı ğına tawış birde.
Bäyläneşle xäbärlär
![Törkiyä zäñgär bayraqta dönya öçençese](http://cdn.trt.net.tr/images/medium/rectangle/9770/5ad7/48f7/66703fbb34951.jpg?time=1718867220)
Törkiyä zäñgär bayraqta dönya öçençese
Törkiyä zäñgär bayraqlı plyaj sanı belän dönyada öçençe urında