TRT World kanalına höcüm kereşüe
PKK tarafdarları kanalnıñ Londondağı üzägenä kerde
Separatist PKK terror oyışması tarafdarı bulğan ber törkem TRT World kanalının Londondağı üzӓgenӓ höcüm itte.
50 keşelek törkem TRT Worldnıñ Gray’s Inn Roadtağı üzӓk byurosı lobisenӓ kerde.
Terror oyışması atamanı Abdullah Öcalan posterları belӓn oyışmanı simvollawçı tuqıma kisӓklӓren kütӓrgӓn törkem lobidӓ ber sӓgӓt’ tirӓse buldı.
İminlek turniketlarınnan uza almağan törkem soñınnan ingliz poliśiyase tarafınnan binadan çığarıldı.
Poliśiya bina aldında iminlek çaraların kürde.
Waqiğada Törkiyӓ teleradiokompaniyase xezmӓtkӓrlӓre hӓm ofisı zıyan kürmӓde.
Terror oyışması tarafdarları Awrupada monnan alda da törek êş urınnarı belӓn mӓçetlӓrgӓ höcüm oyıştırğan ide, qayber çit il media oyışmaların basıp alğan ide.
PKK Angliyada terror oyışmaları isemlegendӓ urın ala, lӓkin ingliz poliśiyaseneñ oyışma tarafdarlarına tolerantlık kürsӓtüe kürelӓ.
Bäyläneşle xäbärlär
Törkiyä zäñgär bayraqta dönya öçençese
Törkiyä zäñgär bayraqlı plyaj sanı belän dönyada öçençe urında
