"Törkiyä häm Belarus’ monı tormışqa aşıraçaq"

İlbaşı Räcäp Tayyip Ärdoğan Törkiyä belän Belarus’nıñ 1 yarım milliard dollarlıq säwdä maqsatın tormışqa aşıraçaq mömkinlekkä iyä buluların belderde.  

Belarus’ däwläte başlığı Aleksandr Lukaşenko räsmi çaqıru belän Törkiyägä kilde. İke ilneñ liderı küzgä-küz häm delegaśiyälärara oçraşudan soñ urtaq matbuğat cıyılışı ütkärde.

Ärdoğan äytüençä, söyläşülärdä säyäsi, xärbi, iq’tisadi, säwdä, mädäni - böten mäs’älälär diyärlek kütärelgän. “Şulay itep, kiläçäkkä nindi adımnar yasayaçaqbız - alarnı bäyäläw forsatı buldı,”-dide ul.

İke däwlät arasındağı säwdä äyläneşen üseştä buluı assızıqlandı. Älege yünäleştä 6 kileşü imzalanğan.

Törkiyä ilbaşı 2016nçı yılda 1 milliard dıllarlıq säwdä maqsatı bilgeläwlären häm älegä qadär aña ireşä almawların da xäterlätte. “Oçraşu barışında bu maqsat öçen tağın da kübräk êşlärgä kiräklegen belderdek häm xäzer yaña maqsatıbız 1 yarım milliard dollar. Törkiyä häm Belarus’, çınlıqta, monı tormışqa aşıraçaq mömkinlekkä iyä,”-dide ul.