İlbaşı Ärdoğan: “Millätebezneñ täq’dire”

İlbaşı Räcäp Tayyip Ärdoğan, Törkiyäneñ 31nçe mart cirle saylawların demokratik ölgergänlek êçendä tämamlawın assızıqlap: "Näticälär şunı kürsätä: bu saylawdan “Ğadälät häm qalqınu” partiyası bularaq näq’ 2002nçe yılnıñ 3nçe noyabr’ (qatnaşqan berençe) saylawlarınnan birle yänä açıq ara berençe partiya bularaq çıqtıq”, - dip äytte.

“Cömhur” ittifaqınıñ urtağı “Millätçe xäräkät” partiyası belän bergä ittifaqlar nigezendä dä berençe bulularına basım yasawçı Ärdoğan: "Qazanılğan häm yuğaltılğan cirle xakimiyät başlıqları, älbättä, bulğandır. Millätebezneñ täq’dire. Qabul itelüe kiräk”, - dip äytte.

Millät iradäseneñ tağın ber qat yuğarı qatnaşu küläme belän ärcädä çağıluın assızıqlawçı Ärdoğan näticälärneñ ilgä, millätkä, şähärlärgä häm mäxällälärgä xäyerle buluın teläde.

İlbaşı Ärdoğan monnan arı 2023nçe yılğa qadär saylawsız çorğa kerelüen, xäzer inde iq’tisadi reformalarnıñ tämamlanuınıñ alda toruın assızıqlap äytep uzdı.