"Terror oyışmalarına qarşı köräş qatğıy räweştä däwam itä"

Törkiyä ilbaşı Räcäp Tayyip Ärdoğan şäxsi televideniye tapşıruında qatnaşıp könüzäk mäs’älälär belän bäyle sorawlarğa cawap birde.

Ul terror oyışmalarına qarşı köräşneñ qatğıy räweştä däwam itüen assızıqladı.

İlbaşı milli küzläw oyışması häm Törek Qorallı Köçläreneñ Kandildä “PKK” separatist terror oyışması ştabına operaśiya oyıştıruların häm güyä citäkçe bulğan berniçä atamannıñ utqa totıluın citkerde.

Ärdoğan terrorğa qarşı köräştä yaña däwergä kerülären, cirle häm milli qorallar belän näticäle köräşneñ däwam itüenä basım yasadı.

Törkiyä ilbaşı Amerika Quşma Ştatlarınıñ Golap qalqulıqları qararın kisken räweştä tänqit’läp, “Min êşlädem ,buldı dip kenä bu êş barıp çıqmıy”dide.

Ärdoğan bu töbäk belän bäyle Berläşkän Millätlär Oyışmasınıñ 1967 nçe yılğı qararı buluın xäterlätte.

İlbaşı AQŞnıñ mondıy totışı belän töbäktä tınıçlıqqa öleş kertüne tügel dä, kiyerenkelekne arttıru häm totrıqlılıq êzlänülärenä zıyan salunı saylawın, monı küzdän kiçerü kiräklegen belderde.

Ärdoğan Ayasofya muzeyınıñ mäçet bulıp bulmayacağı turındağı sorawğa “Xalqıbız ,İslam dönyası yıllar buyı Ayasofyanı mäçet itep kürergä teli” dide.