Törkiyä räsmiläre Yaña Zelandiyada
İke mäçetkä oyıştırılğan terror höcümennän soñ şimbä könne Yaña Zelandiyağa kitkän İlbaşı urınbasarı Fuat Oktay häm Tışqı êşlär ministrı Mäwlüt Çavuşoğlu höcüm yasalğan Kraystçerç şähärenä kilep citte
50 keşeneñ ğomere özelgän terror höcümennän soñ ber wäkillek belän kiçä İstanbuldan Yaña Zelandiyağa kitkän Oktay häm Çavuşoğlu utırğan oçqıçta höcümdä yaralanğan Zäkäriya Tuyannıñ ätise häm bertuğanı da bar ide.
İlbaşı urınbasarı Oktay häm Tışqı êşlär ministrı Çavuşoğlu oçqıçta ğailägä şifa teläklären belderde. İlbaşı Räcäp Tayyip Ärdoğannıñ şifa teläklären häm sälamen citkerdelär.
Oktay häm Çavuşoğlu, waqiğadan (waqıyğadan) toyğan borçıluların belderep, däwlätneñ yaralanuçılarnıñ xälen yaqınnan küzätep toruın häm härtörle mömkinlekneñ täêmin itelüen äytte.
Wäkillek İstanbuldan Kraystçerçkä yaqınça 19 säğät’ yarım tuqtawsız oçış yasadı.
Bu oçış dönya grajdan aviaśiyası tarixınıñ iñ ozın säyäxäte bularaq ta tarixqa uzdı.
Törkiyäneñ Wellington tulı wäqalätle ilçese Äxmät Ärgin tarafınnan Kraystçerç hawa mäydanında qarşı alınğan Oktay häm Çavuşoğlu Yaña Zelandiya baş ministr urınbasarı häm Tışqı êşlär ministrı Winston Peterse belän wäkilleklärara söyläşülärdä qatnaştı.
Oktay häm Çavuşoğlunıñ höcüm yasalğan töbäkkä düşämbe könne baruı kötelä.
Yaralanuçılar yanına baraçaq wäkillek möselman cämäğäte wäkilläre belän dä oçraşaçaq.
Terror höcümenä qağılışlı soñğı mäğ’lümatlär belän urtaqlaşu öçen matbuğat oçraşuın oyıştırğan Yaña Zelandiya baş ministrı Jacinda Ardern Törkiyädän wäkillek kilüenä şat buluın belderde.
Ardern: “Törkiyädän kilgän wäkillek möselmannarğa yaqlawın kürsätergä kirä, monnan qanäğätbez. Törkiyä küpçelege möselman bulğan il, alarnı kötäbez”, - dip äytte.
