İlbaşı möselmannarğa qarata höcümne küpläp üterü dip bäyäläde

Törkiyä ilbaşı Räcäp Tayyip Ärdoğan ildä 31 nçe martta uzaçaq cirle saylawdan êlek Tekirdağda xalıqqa möräcağät’ itte.

Ul üz çığışında kiçä Yaña Zelandiyäneñ Kraystçerç qalasında comğa namazı waqıtında 2 mäçetkä oyıştırılğan qorallı terror höcümenä tuqtaldı.

İlbaşı möselmannarğa qarata höcümne küpläp üterü dip bäyäläp süzen tübändägeçä däwam itterde:” Höcümçe qullanğan qorallarda törek häm möselman doşmannarınıñ isemnäre yazılğan. Törkiyägä kiläçägen, böten mäçetlärne cimeräçägen äytkän. Anıñ êlegräk İstanbulğa 2 tapqır kilüe bilgele buldı. Berençesendä 3 kön, ikençesendä 40 kön qalğan. Monın belän bäyle tikşerülär alıp barıla.Kemnär belän nindi êlemtäse bulğan,alarnı öyränäbez. Yaña Zelandiyäneñ höcümçelärgä tiyeşle cäza birüen telibez. Küpmedep waqıt törmädä utırıp çığıp qına bulmıy. Çönki 49 keşeneñ ğomere özelde.Bu küpläp üterü. Monıñ öçen cawap birüläre kiräk. Yuğisä bu xällär ber dä yaxşığa barmıy”.